Tryvałaść šlubaŭ patłumačyli strataj niuchu
Schilnaść da manahamnych šlubaŭ my nabyli praz toje, što razvučylisia «ŭniuchvać» patencyjnych partnioraŭ.
Fota: mport.ua
Aŭstralijski antrapołah Majkł Stodart u svajoj novaj knizie «Adam's Nose and the Making of Mankind» śćviardžaje, što ŭ chodzie evalucyi čałaviek razvučyŭsia ŭsprymać połavyja fieramony inšych ludziej, pieradaje Daily Mail.
20 młn hod tamu prodki čałavieka pryvablali patencyjnych połavych partnioraŭ pieravažna pachami. Ale ź pierachodam ludziej da žyćcia ŭ kalektyvach suviaź pachaŭ i seksualnych žadańniaŭ značna źniziłasia, kaža navukoviec.
Orhan Jakabsana (jon ža sošnikava-nosavy orhan albo vomier) u čałavieka ŭ peŭny momant pierastaŭ funkcyjanavać. Z raźvićciom cyvilizacyi čałaviek staŭ ličyć čałaviečy pach nie tolki niepryvabnym, ale i niepryjemnym.
Takim čynam čałaviek zdoleŭ žyć pieravažna ŭ manahamnych siemjach, niahledziačy na vialikuju kolkaść patencyjnych połavych partnioraŭ u hramadstvie vakoł siabie. Z usich mlekakormiačych tak umiejem tolki my.
Ciapier «seksualnyja» dla čałaviečaha mozhu aramaty vykarystoŭvaje parfiumieryja — ale heta daloka nie tyja «čałaviečyja» aramaty, što byli «seksualnymi» miljony hod tamu.