Sotni avijarejsaŭ u Francyi admienienyja z-za zabastoŭki
Zabastoŭka francuzskich avijadyśpietčaraŭ pryviała da admieny sotniaŭ unutranych i niekalkich mižnarodnych rejsaŭ.
Prafsajuz francuzskich avijadyśpietčaraŭ pačaŭ dvuchdzionnuju zabastoŭku, patrabujučy pieramovaŭ z udziełam uładaŭ krainy, avijarehulataraŭ i niepasredna dyśpietčaraŭ adnosna ŭmoŭ pracy.
Kolkaść rehularnych rejsaŭ na čas zabastoŭki budzie źnižana na 40%. Admieny zakranuć u pieršuju čarhu ŭnutranyja rejsy i karotkija pieraloty ŭ susiednija krainy. Kampanija Air France, najbujniejšy francuzski avijapieravozčyk, paviedamiła, što na transkantynientalnych rejsach zabastoŭka nie adabjecca.
«Strajk projdzie pa ŭsioj krainie», — paviedamlajecca ŭ zajavie Hałoŭnaha ŭpraŭleńnia hramadzianskaj avijacyi Francyi. Pasažyram rekamiendujecca zahadzia ŭdakładniać infarmacyju ab statusie rejsa ŭ avijakampanij.
Pa słovach upraŭleńnia hramadzianskaj avijacyi, zabastoŭka častkova vyklikana płanami ŭrada pavysić piensijny ŭzrost dla dyśpietčaraŭ z 57 da 59 hadoŭ.