Novy biełaruski spadarožnik budzie bolš kamiercyjnym
Ab mierkavanym časie zapusku pakul nie kažuć.
Stvareńnie novaha biełaruskaha spadarožnika zakładvajecca ŭ novuju kaśmičnuju prahramu, raspracoŭka jakoj praktyčna zavieršanaja, pieradaje BIEŁTA.
Alaksandr Łukašenka padtrymlivaje stvareńnie novaha biełaruskaha spadarožnika, ale kaža, što jon maje być bolš kamiercyjnym, a nie prosta paznavalnym, zajaviŭ kiraŭnik aparatu Nacyjanalnaj akademii navuk Piotr Viciaź.
Pa słovach Viciazia, zaraz usio ŭzhadniajecca sa spažyŭcami, vyvučajecca papiaredni dośvied i mahčymyja nišy.
«Pakolki Biełaruś - kraina maleńkaja, to my pavinny z kimści skaapieravacca. Dla nas stratehičny partnior – Rasija», — kaža hałoŭny kanstruktar Biełaruskaj kaśmičnaj sistemy dystancyjnaha zandziravańnia Siarhiej Załaty.
U pieramovach z Raskosmasam biełaruski bok havoryć ab tym, što novy biełaruski spadarožnik vojdzie ŭ adnu z rasijskich hrupovak spadarožnikaŭ.
Novy spadarožnik, pavodle jaho słoŭ, pavinien mieć raspaznavańnie lepšaje za adzin mietr. Raspaznavańnie ŭ dva mietry dazvalaje stvarać tapahrafičnyja karty maštabu 1:50000 i abnaŭlać maštab 1:25000, «mietrovy» spadarožnik daść mahčymaść pracavać ź dziesiacitysiačnym maštabam.
Pa infarmacyi Załatoha, kali košt aerafotazdymki adnaho kvadratnaha kiłamietra składaje kala 30 dalaraŭ, to anałahičnyja zatraty pry vykarystańni kaśmičnaha spadarožnika ŭ 2-3 razy nižejšyja.
***
Siońnia Biełaruś maje adzin spadarožnik. Biełaruski kaśmičny aparat (BKA) byŭ zapuščany ŭ 2012 hodzie. Jaho raspaznavalnaja zdolnaść — 2 m u adnakanalnym (panchramatyčnym) režymie i 10,5 m u šmatkanalnym.