U Homieli patanuli dvoje maleńkich dziaciej, ich maci padazrajecca ŭ zabojstvie
Upraŭleńniem Śledčaha kamiteta pa Homielskaj vobłaści raspačata kryminalnaja sprava pa fakcie zabojstva, ździejśnienaha pry abciažvajučych abstavinach. Ranicaj 8 krasavika ŭ milicyju źviarnułasia 25-hadovaja žycharka Homiela, jakaja paviedamiła pra hibiel svaich dziaciej.
Jak paviedamlaje Śledčy kamitet RB, pry ahladzie kvatery śledča-apieratyŭnaj hrupaj znojdzieny cieły dvaich małaletnich dziaciej.
U ciapierašni čas maci zatrymanaja pa niepasredna ŭźnikłym padazreńni ŭ zabojstvie syna 2012 naradžeńnia. Jaje dziejańni kvalifikavanyja pa č. 2 art. 139 (zabojstva zaviedama małaletniaha) Kryminalnaha kodeksa. Ź joj pracujuć śledčyja. Abstaviny hibieli druhoha dziciaci, dački 2014 naradžeńnia, vyśviatlajucca.
Pa kryminalnaj spravie pryznačana praviadzieńnie šerahu ekśpiertyz, u tym liku psichołaha-psichijatryčnaja ŭ dačynieńni da padazravanaj, i sudova-miedycynskaja.
Pavodle papiaredniaha zaklučeńnia sudova-miedycynskich ekśpiertaŭ, pryčynaj śmierci abodvuch dziaciej źjaviłasia ŭtapleńnie.
Na miescy zdareńnia praciahvaje pracavać śledča-apieratyŭnaja hrupa. Rasśledavańnie kryminalnaj spravy ŭziata na asabisty kantrol staršynioj Śledčaha kamiteta.