Rasijski prahramist staŭ pieršym kandydatam na pierasadku hałavy
Čas apieracyi pakul nie pryznačany navat prykładna.
Valeryj Śpirydonaŭ. Fota z sajta tjournal.ru
Valeryj Śpirydonaŭ, prahramist z horada Uładzimira, staŭ pieršym kandydatam na pierasadku hałavy pavodle mietodyki italjanskaha chirurha Sierdžya Kanaviera, raspaviadaje Daily Mail.
Śpirydonaŭ maje śpinalnuju atrafiju ciahlic. Pry takoj chvarobie z malenstva ŭ čałavieka spyniajecca rost ciahlic. Pałova dziaciej z takoj chvarobaj nie dažyvaje da hoda, šancy dažyć da staraści praktyčna nulavyja.
Kanaviera addaje pieravahu patencyjnym pacyjentam mienavita z takoj chvarobaj. Sa Śpirydonavym jany ŭžo dva hady pierapisvajucca praź internet, ale pakul nie sustrakalisia asabista.
Patencyjny pacyjent i jaho siamja ŭśviedamlajuć ryzyki ŭnikalnaj apieracyi.
U jakaści donaraŭ cieła dla Śpirydonava mohuć pasłužyć złačyncy, prysudžanyja da śmiarotnaha pakarańnia, albo ludzi, što atrymali nievylečnyja traŭmy mozhu.
Čas apieracyi pakul nie pryznačany navat prykładna — Kanaviera nie maje naležnaha finansavańnia i štatu daktaroŭ. Ale na dumku niejrachirurha, pierasadka hałavy stanie mahčymaj praz dva hady.