Pucin: Rasija zacikaŭlenaja ŭ poŭnym vykanańni minskich damoŭlenaściaŭ
Rasija zacikaŭlenaja ŭ «poŭnym vykanańni ŭsich minskich damoŭlenaściaŭ», zajaviŭ prezident krainy Uładzimir Pucin 8 krasavika na pres-kanfierencyi ŭ Maskvie pa vynikach sustrečy z premjer-ministram Hrecyi Aleksisam Cyprasam.
«My, viadoma, abmianialisia i mierkavańniami ab pierśpiektyvach adnosin pamiž Rasijaj i ES. Rasijski bok padrabiazna prainfarmavaŭ našych hrečaskich siabroŭ pra situacyju na paŭdniovym uschodzie Ukrainy», — skazaŭ pierad hetym Pucin, paviedamlaje pres-słužba Kramla.
Hrecyja, dzie niadaŭna źmianiŭsia ŭrad, zaraz vystupaje suprać sankcyj ES u dačynieńni da Rasii, uviedzienych u suviazi z anieksijaj Kryma i padtrymkaj sieparatystaŭ na Danbasie.