ZŠA i Kareja pravodziać bujnyja vajennyja manieŭry FOTA
Amierykanskija i paŭdniovakarejskija vojski, avijacyja i fłot u sakaviku i krasaviku pravodziać adny z samych vialikich u śviecie i historyi sumiesnych vučeńniaŭ, meta jakich - padrychtoŭka da mahčymaj ahresii z boku kamunistyčnaj KNDR.
Karejskija marskija piechacincy paśla vysadki na ŭźbiarežža padčas vučeńniaŭ Foal Eagle. Fota AP.
U manieŭrach Foal Eagle, jakija pravodziacca z 1997 hoda štohod, udzielničajuć bolš za 200 000 karejskich i 12 500 amierykanskich žaŭnieraŭ i matrosaŭ. Pa maštabie ź imi mohuć paraŭnacca tolki vialikija sumiesnyja manieŭry, jakija kaliści pravodzilisia SSSR i krainami Varšaŭskaj damovy. U vialikich manieŭrach kitajskaj armii zvyčajna nie ŭdzielničajuć zaŭvažnyja siły inšych krain.
Vysadka na bierah pad abstrełam i pad abaronaj dymavoj zasłony. Fota AP.
ZŠA i Respublika Kareja zaklučyli ŭ 1953 hodzie damovu ab uzajemnaj dapamozie pa vynikach sumiesnaj baraćby suprać kamunistyčnaj ahresii z poŭnačy. Zhodna z tekstam damovy, ZŠA musić vajavać, kali KNDR znoŭ napadzie na Paŭdniovuju Kareju. Ciapier pamiž karejskimi dziaržavami aficyjna zachoŭvajecca stan vajny, bo mirnaj damovy paśla zakančeńnia bajoŭ Sieuł i Pchieńjan tak i nie zaklučyli.
Karejski (sprava) i amierykanskija marpiechi na pazicyi. Fota AP.
Pierakidvańnie artyleryi, techniki i asabovaha składu viertalotami. Fota AP.
Viertalot Black Hawk suchaputnaj armii ZŠA padčas sumiesnych vučeńniaŭ u Karei. Fota AP.