Kanski kinafiestyval razhornie prapahandu suprać sełfi
Prosta zabaranić zorkam rabić sełfi nie mohuć — pasprabujuć pierakanać.
Aktrysa Lea Sejdu robić sełfi z fatohrafami. Fota: Regis Duvignau / Reuters
Dyrektar Kanskaha kinafiestyvalu Tjery Fremo nazvaŭ sełfi na čyrvonaj darožcy «hłupaj i hratesknaj» zvyčkaj i paabiacaŭ raspačać kampaniju suprać sełfi, pieradaje The Telegraph.
Pa słovach prezidenta fiestyvalu Pjera Deskiura, ludzi «nidzie nie vyhladajuć tak ahidna, jak na sełfi».
Čyrvonaja darožka ža pryznačanaja dla taho, kab pakazać ludziej pryhožymi, śćviardžaje jon.
Kažučy pra mahčymaść zabarony sełfi na fiestyvali, Fremo zajaviŭ: «My nie źbirajemsia dałučać da hetaha palicyju. Na žal». Akramia asabistaj nielubovi da sełfi, kampanija abumoŭlenaja chutkaściu prasoŭvańnia zorak pa čyrvonaj darožcy: sełfi značna zapavolvajuć praces.
68-y Kanski kinafiestyval projdzie z 13 pa 24 maja. Zastajecca nieviadomym, u jakoj formie na im razharniecca prapahanda suprać sełfi.