U 2016 hodzie Biełaruś zapuścić jašče adzin spadarožnik
«Bielintersat-1» budzie biełaruska-kitajskim spadarožnikam suviazi.
U pieryjad sa śniežnia 2015 hoda pa sakavik 2016-ha płanujecca zapuścić spadarožnik «Bielintersat-1», pieradaje BIEŁTA zajavu kiraŭnika prajektu, namieśnika dyrektara pa raźvićci Zavoda dakładnaj elektramiechaniki Andreja Abramava.
Na pačatku druhoha kvartału 2016 hoda praz «Bielintersat-1» užo pačnuć pradstaŭlacca pasłuhi suviazi.
Prajekt aryjentavany na ekspart, prapanoŭvacca buduć telekamunikacyjnyja servisy (internet, hałasavaja i IP-telefanija, nizkachutkasnaja telemietryja…) i stvareńnie karparatyŭnych sietak suviazi. Prajekt realizujecca z 2013 hoda ŭ adpaviednaści z zahadam Łukašenki.
Raspracoŭščyki «Bielintersat-1» płanujuć pačać akazvać pasłuhi suviazi jašče da zapusku ŭłasnaha spadarožnika i šukajuć partniora, što časova pradstavić resursy svajho spadarožnika.
Prajekt nacyjanalnaj sistemy spadarožnikavaj suviazi raźvivajecca i na ziamli: u Stańkavie za 40 km ad Minska budujecca naziemny kompleks kiravańnia, mantaž anten i abstalavańnia budzie iści da vosieni.
***
Siońnia Biełaruś maje adzin spadarožnik. Biełaruski kaśmičny aparat (BKA) byŭ zapuščany ŭ 2012 hodzie. Jaho raspaznavalnaja zdolnaść — 2 m u adnakanalnym (panchramatyčnym) režymie i 10,5 m u šmatkanalnym.
Čytajcie taksama: Novy biełaruski spadarožnik budzie bolš kamiercyjnym