Realistyčnaja roba-hałava zasvoiła humar i flirt VIDEA
Robat Chan moža navat raspaznać, ci ščaślivy vy.
Na vystavie Asia World Expo ŭ Hankonhu kampanija Hanson Robotics pradstaviła Chana — roba-hałavu, jakaja moža padtrymlivać amal paŭnavartasnuju razmovu, raspaviadaje Reuters.
Kala 40 matoraŭ zabiaśpiečvajuć Chanu mimiku, padobnuju da čałaviečaj. Jaho hałava pakrytaja skuraj, padobnaj da čałaviečaj. Navat jaho pačućcio humaru zrabili padobnym da našaha.
«Ja nie abaviazany rabić, što vy mnie skažacie, ja maju svabodnuju volu», — žartuje (spadziajemsia) Chan. Jaho pavodziny kantralujucca praz prostuju mabilnuju prahramu, ale jon zdolny i na adnosna aŭtanomnyja dziejańni.
Robat moža raspaznać poł i ŭzrost surazmoŭcy i navat «ŭzrovień ščaślivaści». Jon siarod inšaha ŭmieje i flirtavać, kryŭlacca dy prykidacca pjanym.
Roba-hałava moža pastupić u prodaž užo ŭ hetym hodzie ŭ žanočaj viersii pa imi Jeva. Robat moža być karysnym jak u hatelach ci kazino, tak i ŭ śfiery achovy zdaroŭja dy ŭ jakaści «siabra» dla piensijanieraŭ.