U Homieli rasiejec źbiŭ školnika na piešachodnym pierachodzie
23 krasavika prykładna ŭ 13.25 u Homieli 26-hadovy kiroŭca aŭtamabila «Tajota-Aviensis» učyniŭ najezd na 17-hadovaha piešachoda, jaki pierachodziŭ prajeznuju častku pa nierehulavanym piešachodnym pierachodzie.
Jon vyjšaŭ na pałasu ruchu z-za piaredniaj častki lehkavoha aŭtamabila, jaki spyniŭsia pierad piešachodnym pierachodam na pravaj pałasie ruchu. U hety momant na chłopca najechaŭ inšy aŭtamabil, z rasijskimi rehistracyjnymi numarami maskoŭskaha rehijona.
Jak paviedamili va UDAI UUS Homielskaha abłvykankama, piešachod-staršakłaśnik atrymaŭ cialesnyja paškodžańni i byŭ špitalizavany ŭ niejrachirurhičnaje adździaleńnie Homielskaj abłasnoj kliničnaj balnicy.