Repietytar vyjhraŭ čarhovy sud u arhanizacyi, jakaja pravodzić CT
Alaksieju Vasileŭskamu vysunuli pretenzii, što jon parušyŭ aŭtarskija pravy… na rašeńni zadač.
U piatnicu, 24 krasavika, Minski haradski sud pryniaŭ bok repietytara, suprać jakoha «vajuje» Respublikanski instytut kantrolu viedaŭ. Hety instytut ładzić u Biełarusi centralizavanyja testavańni. Alaksiej Vasileŭski raźmiaščaŭ u adkrytym dostupie rašeńni zadańniaŭ z repietycyjnych testaŭ. Rabiŭ heta, pavodle jaho słovaŭ, kab najpierš dapamahać vučniam z hłybinki, jakim składana jeździć na probnyja vyprabavańni ŭ rajcentry.
«Pretenzija była ŭ tym, što ja ŭ pryncypie raźmiaščaju rašeńni zadańniaŭ repietycyjnaha testavańnia. Što heta ich funkcyja i jany hetym zarablajuć hrošy. Była «šykoŭnaja fraza» z boku advakata isca, što adno z parušeńniaŭ aŭtarskaha prava — heta vykarystańnie padčas rašeńnia zadač formuł, aŭtarskija pravy na jakija maje RIKV», — raspaviadaje Alaksiej Vasileŭski pra apošni kazus z sudovaha pracesu.
Nahadajem, što sioleta ŭ sakaviku repietytar užo abaraniŭ siabie padčas pracesu ŭ sudzie Frunzienskaha rajona stalicy. Ci budzie Respublikanski instytut kantrolu viedaŭ źviartacca ŭ Viarchoŭny sud — pytańnie. Na sajcie hetaha viedamstva ŭžo raźmiaścili infarmacyju pra čarhovuju pieramohu Alaksieja Vasileŭskaha.