Rasijskija vajskoŭcy pačali budavać čyhunku ŭ abychod Ukrainy
Na poŭdni Rasii pačałosia budaŭnictva čyhunki na ŭčastku Žuraŭka (Varoniežskaja vobłaść) — Milerava (Rastoŭskaja vobłaść).
Ciahniki buduć chadzić u Krasnadar i Rastoŭ-na-Donie ŭ abychod ukrainskaj terytoryi. Ciapier ža ciahniki ŭ Varoniežskaj i Rastoŭskaj abłaściach pierasiakajuć ŭkrainskuju miažu.
Namieśnik ministra abarony Rasii Dźmitryj Bułhakaŭ adznačyŭ, što bolš za 360 adzinak śpiecyjalnaj vajennaj techniki i amal 900 vajskoŭcaŭ «pryciahnutyja da vielmi važnaha dla dziaržavy prajektu — budaŭnictva dvuchkalajovaj elektryfikavanaj čyhunki na učastkach Paŭdniova-Uschodniaj i Paŭnočna-Kaŭkazskaj čyhunak daŭžynioj 122,5 km».