Udzielnic nieprystojnaha tanca la miemaryjała «Małaja ziamla» ŭ Navarasijsku pakarali aryštam i štrafam
Prakuratura Krasnadarskaha kraju zaviaršyła pravierku pa fakcie źjaŭleńnia ŭ internecie videa, na jakim hrupa dziaŭčat tancuje na fonie miemaryjała «Małaja ziamla» ŭ Navarasijsku. Hety numar niekatoryja žychary horada ŭspryniali jak praźmierna adkryty i navat nieprystojny.
Siońnia stała viadoma, što Kastryčnicki rajonny sud Navarasijska pryciahnuŭ da administracyjnaj adkaznaści piać dziaŭčat, jakija skakali na fonie miemaryjała «Małaja ziamla». Adnoj ź ich pryznačyli 15 sutak aryštu, jašče dźvium — 10 sutak. Jašče dźvie dziaŭčyny aštrafavanyja.
Akramia taho, u dačynieńni da baćkoŭ jašče adnoj niepaŭnaletniaj udzielnicy tancaŭ — 15-hadovaj školnicy z Navarasijska — raspačata administracyjnaja sprava pa artykule «Nievykanańnie baćkami niepaŭnaletnich abaviazkaŭ pa ŭtrymańni i vychavańni niepaŭnaletnich». Sud taksama aštrafavaŭ maci hetaj školnicy «za niezabieśpiačeńnie mier pa sadziejničańni fizičnamu, intelektualnamu, psichičnamu, duchoŭnamu i maralnamu raźvićciu dziciaci».