9 maja zakryvać ruch transpartu ŭ Minsku pačnuć u 05.00
U Dzień Pieramohi zakryvać ruch transpartu pačnuć u 05.00. Pra heta paviedamiła kiraŭnik pres-słužby DAI HUUS Minharvykankama Taćciana Charlinskaja.
«U suviazi z praviadzieńniem śviatočnych mierapryjemstvaŭ, pryśviečanych 70-hodździu Pieramohi savieckaha naroda ŭ Vialikaj Ajčynnaj vajnie, 9 maja 2015 hoda budzie zakryvacca ruch usich vidaŭ transpartu na nastupnych učastkach Minska: u 05:00 z vajennaha haradka «Uručča» pačnie ruch miechanizavanaja kałona vajennaj techniki. Jana budzie ruchacca pa vulicach Zasnavalnikaŭ, Starynaŭskaj, pa praśpiekcie Niezaležnaści, vulicach Surhanava, Kujbyšava, Bahdanoviča da praśpiekta Mašerava. Ruch budzie pierakryvacca paetapna pa chodzie pieramiaščeńnia techniki. Paśla prachodžańnia kałony ruch na hetych učastkach budzie adnaŭlacca», — raskazała Taćciana Charlinskaja.
Paśla prybyćcia kałony vajennaj techniki na praśpiekt Mašerava budzie zakryty ruch transpartu na ŭčastku darohi ad vulicy Čyrvonaj da vulicy Cimirazieva. «Pačatak praviadzieńnia parada vojskaŭ Minskaha harnizona i teatralizavanaha spartyŭna-maładziožnaha šeścia zapłanavany na 11.00. Paśla zaviaršeńnia mierapryjemstvaŭ technika rušyć nazad pa nastupnym maršrucie: praśpiekt Mašerava — vulica Cimirazieva — vulica Arłoŭskaja — płošča Banhałor — vulica Surhanava - praśpiekt Niezaležnaści — vulica Starynaŭskaja — vajenny haradok «Uručča». Ruch na hetych učastkach taksama budzie paetapna pierakryvacca», - rastłumačyła kiraŭnik pres-słužby.
Z-za ŭskładańnia viankoŭ da manumienta Pieramohi z 7:30 budzie zakryty ruch usich vidaŭ transpartnych srodkaŭ pa praśpiekcie Niezaležnaści ad vulicy Ja.Kupały da vulicy Kazłova, a taksama pa vulicy Zacharava ad praśpiekta Niezaležnaści da vulicy Pieršamajskaj i pa vulicy Kisialova ad praśpiekta Niezaležnaści da vulicy Čyrvonaj. Paśla zaviaršeńnia mierapryjemstva ruch na hetych učastkach budzie adnaŭlacca.
Staličnaja Dziaržaŭtainśpiekcyja rekamienduje kiroŭcam uličvać hetu infarmacyju pry vybary maršrutu ruchu, vybirać abjaznyja šlachi, a taksama nie parkavać svoj ułasny transpart pablizu nazvanych učastkaŭ. Uličvajučy, što centralnaja častka horada budzie paetapna pierakryvacca, rekamiendujem kiroŭcam 9 maja skarystacca pasłuhami mietrapalitena.