Kiery zaŭtra ŭ Sočy abmiarkuje z Łaŭrovym ukrainski kryzis
Dziaržsakratar ZŠA Džon Kiery ŭ aŭtorak praviadzie ŭ Sočy pieramovy sa svaim rasijskim kaleham Siarhiejem Łaŭrovym.
Pra heta paviedamlaje ahienctva RIA Naviny sa spasyłkaj na dypłamatyčnuju krynicu.
Hetuju infarmacyju paćviardžaje ahienctva Frans pres sa spasyłkaj na pradstaŭnika rasijskaha boku. MZS Rasii abiacała vypuścić aficyjnuju zajavu paźniej.
Padčas sustrečy budzie abmiarkoŭvacca situacyja va Ukrainie. U Kramli spadziajucca, što Kiery pradstavić novyja prapanovy pa ŭrehulavańni kryzisu.
Pa słovach krynicy, vizit dziaržsakratara ŭ Sočy — vielmi važny, adnak u Maskvie ad pieramovaŭ Łaŭrova i Kiery nie čakajuć praryvu.