Minčanku naśmierć źbiŭ ciahnik na piešachodnym naścile
Trahiedyja zdaryłasia ŭ Maładziečanskim rajonie 22:22 u niadzielu.
Pra jaje raspaviała Taćciana Subač — staršy inśpiektar słužby hrupy achovy pravaparadku i prafiłaktyki Maładziečanskaha adździaleńnia ŭnutranych spraŭ na transparcie.
57-hadovaja žycharka Minska pierachodziła čyhunku na pierahonie Dubravy — Alachnovičy pa piešachodnym naścile.
Ciahnik Adler — Kalininhrad tut nie spyniajecca. Ad udaru žančynu adkinuła na druhi puć.
Ciapier milicyja vyśviatlaje, čamu zahinułaja, pierachodziačy pa piešachodnym pierachodzie, nie azirnułasia pa bakach i nie ŭbačyła ciahnik. Pravodziać ekśpiertyzu, ci była jana ćviarozaja.