Dziaržbank raźvićcia Kitaja daje $300 młn na finansavańnie sumiesnych inviestprajektaŭ u Biełarusi
AAT «AAB Biełarusbank» i Dziaržaŭny bank raźvićcia Kitaja padpisali hienieralnaje kredytnaje pahadnieńnie ab pradastaŭleńni kredytu ŭ pamiery $300 młn, paviedamili ŭ pres-słužbie Biełarusbanka.
«Kredytnaja linija budzie nakiravana na finansavańnie biełaruska-kitajskich inviestycyjnych prajektaŭ na terytoryi Biełarusi ŭ roznych halinach ekanomiki - transpartu, enierhietyki, pramysłovaści, małoha i siaredniaha biźniesu i inšych śfier niezaležna ad maštabu dziejnaści i formy ŭłasnaści», - raskazali ŭ pres-słužbie banka.
Kredyt pradastaŭlajecca na vyhadnych dla Biełarusbanka i Biełarusi ŭmovach, dadali ŭ pres-słužbie. Jak padkreśliŭ u čas cyrymonii padpisańnia kredytnaha pahadnieńnia staršynia praŭleńnia Biełarusbanka Siarhiej Pisaryk, heta stała śviedčańniem vychadu na novy ŭzrovień dvuchbakovych uzajemaadnosin ź Dziaržaŭnym bankam raźvićcia Kitaja, a taksama budzie sadziejničać dalejšamu dasiahnieńniu ŭzajemnych intaresaŭ.