Pavuki splali rekordna tryvałaje pavucińnie z hrafienam
Navučańnie placieńniu pieražyli nie ŭsie.
Chatni pavuk-sienakasiec. Fota: dic.academic.ru
Italjanskija navukoŭcy nanieśli na pavukoŭ vodnuju zaviś hrafiena i vuhlarodnych nanatrubak. Pa vynikach ekśpierymientaŭ, ź jakimi možna aznajomicca na arxiv.org, pavuki splali adzin z samych tryvałych materyjałaŭ u śviecie.
U niekalkich pavukoŭ, jakija narmalna pieražyli ekśpierymienty, pavucińnie mieła rekordnuju tryvałaść, u dziasiatki raz bolšuju za kieŭłaravyja nici i ŭ 3,5 razy bolš za samaje tryvałaje «naturalnaje» pavucińnie.
Z 15 paddoślednych pavukoŭ ekśpierymient nie pieražyli čatyry, tolki try pakazali zaŭvažnaje palapšeńnie pakaźnikaŭ.Jak pakazaŭ analiz, nanatrubki i hrafien nie vypadkova patrapili ŭ pavucińnie, a byli raŭnaznačna raźmierkavanyja pa ŭsioj daŭžyni vałakna.
Nastolki tryvały materyjał moža vykarystoŭvacca jak na Ziamli, tak i ŭ kosmasie. Ale jaho masavuju vytvorčaść naŭrad ci atrymajecca naładzić.
Raniejšyja sproby pramysłovaha raźviadzieńnia pavukoŭ sutyknulisia ź niežadańniem pavukoŭ pleści pavucińnie na «čužoj» terytoryi, a taksama palavańniem adnych pavukoŭ na inšych pry ich vialikaj kancentracyi ŭ adnym miescy.