Finski palityk asudžany za zabojstva ŭradženki SSSR
28-hadovy palityk Juka-Maci Rompajnien prysudžany da pažyćciovaha źniavoleńnia za zabojstva 58-hadovaj imihrantki, jakaja ŭ 1990 h. pryjechała ŭ Finlandyju z SSSR.
Pa viersii boku abvinavačvańnia, padstavaj da zabojstva stała raptoŭnaja svarka: palityk vyhulvaŭ svaich sabak i hruba abychodziŭsia ź imi, a žančyna pasprabavała spynić jaho, čym i vyklikała ahresiju. U vyniku, ličyć abvinavačvańnie, Rompajnien źbiŭ jaje da nieśviadomaha stanu, paśla čaho advioŭ sabak dadomu, viarnuŭsia na miesca złačynstva, pahruziŭ žančynu ŭ mašynu i skinuŭ u vadu. Jak miarkujecca, u toj momant jana jašče była žyvaja.
Sam palityk admaŭlaŭ, što ździejśniŭ naŭmysnaje zabojstva, i tłumačyŭ toje, što adbyłosia, prystupam hnievu, jaki zdaryŭsia ź im na fonie praciahłaj depresii. Adnak ekśpiertyza paćvierdziła, što Rompajnien byŭ całkam śviadomy ŭ momant ździajśnieńnia złačynstva.
Juka-Maci Rompajnien źjaŭlajecca siabram moładzievaha kryła finskaj Nacyjanalnaj kaalicyjnaj partyi.