Prync Hary zajaviŭ pra adsutnaść hodnaj kandydatury na rolu žonki
Brytanski prync Hary zajaviŭ, što chacieŭ by ažanicca i zavieści dziaciej u bližejšy čas, ale pakul nie sustreŭ padychodziačaj žančyny. Pra heta jon paviedamiŭ u intervju telekanału SkyNews.
mirror.co.uk
Prync taksama adznačyŭ, što jaho vybrańnica pavinna być hatovaja padzialić ź im cisk, jaki adčuvajuć publičnyja ludzi.
U červieni unuk karalevy Lizaviety II zaviaršaje słužbu ŭ vojsku, jakaja doŭžyłasia 10 hadoŭ. Paśla zvalnieńnia jon maje namier zasiarodzicca na ŭdziele ŭ humanitarnych misijach u Afrycy.
U lutym brytanskija ŚMI paviedamili, što 30-hadovy Hary tajemna sustrakajecca z 24-hadovaj aktrysaj Emaj Uotsan. Pavodle dadzienych presy, prync pieršym vykazaŭ žadańnie paznajomicca z zorkaj filmaŭ pra Hary Potera, zaprasiŭšy jaje na viečarynku praz ahulnych znajomych.
U krasaviku minułaha hoda prync Hary rastaŭsia sa svajoj siabroŭkaj Kresidaj Bonas paśla dvuch hadoŭ stasunkaŭ. Da razryvu paru časta bačyli razam na roznych hramadskich mierapryjemstvach i na adpačynku, im pradkazvali chutkija zaručyny. Adnoj z pryčyn rastańnia ŚMI nazvali namier dziaŭčyny zasiarodzicca na karjery.