Armija ZŠA choča vyprabavać uniformu-nievidzimku ŭ bližejšyja dva hady
Cuchaputnyja siły ZŠA zaklikali kampanii, jakija raspracoŭvajuć śpiecyjalnyja materyjały, pieradać dla vyvučeńnia raspracoŭki, jakija dapamohuć stvaryć «niabačnuju» ŭniformu dla žaŭnieraŭ, piša Daily Mail.
Raspracoŭka kanadskaj kampanii Hyperstealth Biotechnology.
Płanujecca stvaryć kamuflaž, jaki budzie pracavać u luboj miascovaści i pry luboj tempieratury — ad džunhlaŭ da pustyni — pry hetym samastojna mianiać koler, chavajučy žaŭniera.
Kampanii, jakija chočuć atrymać adpaviednyja zamovy, musiać prademanstravać vajskoŭcam pierśpiektyŭnaść svaich prajektaŭ u bližejšyja paŭhoda. Siarod ich armija adbiare niekalki dla nastupnaj, 12-miesiačnaj fazy prahramy. Padčas hetaj fazy kampanii musiać nakiravać vajskoŭcam dla vyprabavańniaŭ pa 10 asobnikaŭ novaj formy.
Ličycca, što najbolš vierahodny varyjant vykanańnia takoha prajekta — vykarystańnie mietamateryjałaŭ, jakija nie adbivajuć śviatło ci takim čynam rasfakusoŭvajuć jaho, što schavany abjekt robicca całkam ci častkova niabačnym.