«Murčalnik» kata Merlina pryznany samym hučnym u śviecie
Baranicie svaje vušy pierad tym, jak karmić jaho tuncom.
Kamanda Knihi rekordaŭ Hinesa zafiksavała najhučniejšaje ŭ śviecie murčańnie kata, paviedamlaje Huffington Post.
Rekardsmienam staŭ kot Merlin z Torki, Anhlija. Jon murčyć hučniej za pasudamyjnuju mašynu — u dva z pałovaj razy hučniej za zvyčajnych katoŭ.
Zafiksavanaja hučnaść murkatańnia skłała 67,8 dB. Prykładna taki ŭzrovień hučnaści — šumnaja vulica horada. Zvyčajna ludzi razmaŭlajuć z hučnaściu ŭ 50-60 dB. Niebiaśpiečny dla zdaroŭja šum blizka — 75 dB.
«Kali hladziš kino, prychodzicca ŭklučać televizar vielmi hučna ci vyhaniać jaho ŭ inšy pakoj, — kaža Trejsi, haspadynia 13-hadovaha Merlina. — Ja čuju jaho, kali sušu vałasy fienam».
Asabliva hučna Merlin murčyć, kali syty. Rekord byŭ zafiksavany dziakujučy jaho lubimaj stravie — tuncu.