ES maje namier pryniać za dva hady 20 tysiač biežancaŭ
Jeŭrakamisija apublikavała novy prajekt rašeńnia kryzisu ź mihrantami, u jakim samym sprečnym punktam staŭ płan pryjomu nielehałaŭ pa sistemie nacyjanalnych kvot.
U ramkach hetaha płana na praciahu nastupnych dvuch hadoŭ płanujecca pryniać u krainy Jeŭropy da 20 tysiač uciekačoŭ, vydatkavaŭšy na heta 50 młn jeŭra.
Jeŭrakamisija zaklikaje krainy ES padzialić vydatki pa apracoŭcy chadajnictvaŭ ab pradastaŭleńni prytułku. Italija i Hrecyja, kudy ŭ asnoŭnym i prybyvajuć moram nielehały, užo nie spraŭlajucca ź ich napłyvam.
Pavodle zakonaŭ ES, nacyjanalnyja kvoty nie raspaŭsiudžvajecca na Brytaniju, Irłandyju i Daniju.
Razdajucca taksama patrabavańni uzmacnić dziejańni pa viartańni na radzimu ekanamičnych mihrantaŭ.