Siarhiej Machnač. Nie ja vałodaju movaj, mova vałodaje mnoj…
Ja nie vałodaju movaj –
Mova vałodaje mnoj.
Čuju, zdajecca, pa novaj
Hukaŭ abudžanych stroj.
Mova mianie vyvučaje:
Chto ja, čamu i kudy?
Sumnaj uśmieškaj stračaje
Cieraź biazmoŭja hady.
Niešta mianie padšturchnuła,
Niechta viadzie za ruku.
Rodnaje słova kranuła,
Kab apynucca ŭ radku.
Prosicca vierš na papieru,
Ptuškaju bjecca ŭ aknie…
Zdoleje mova, ja vieru,
Vyvučyć znoŭku mianie.
27.05.2015