U Viciebsku źjaviłasia hrafici z partretam Jaŭhiena Lavonava ŭ roli Dacenta FOTA
U Viciebsku na transfarmatarnaj budcy ŭ rajonie doma № 13 pa Smalenskaj vulicy źjavilisia hrafici z partretam Jaŭhiena Lavonava ŭ roli Dacenta z kinastužki «Džentlmieny ŭdačy».
Fotarealistyčny partret stvorany viadomaj viciebskaj stryt-art-kamandaj HoodGraff, jakaja maluje hrafici nie tolki ŭ abłasnym centry, ale taksama ŭ Minsku i Sankt-Pieciarburhu.
U Viciebsku ŭžo naličvajecca bolš za dziasiatak vuličnych tvoraŭ hetaj art-hrupy z partretami viadomych ludziej: Boba Marli, Styva Džobsa, Juryja Haharyna, Alaksandra Puškina i inšych.
U Minsku sproba viciebskich mastakoŭ stvaryć vuličny partret Vasila Bykava nie była daviedzienaja da kanca — niezavieršanuju pracu zafarbavali, aŭtaraŭ ža aštrafavali na 18 miljonaŭ rubloŭ.
U Sankt-Pieciarburhu, dzie viciablanie namalavali partrety Viktara Coja, Albierta Ejnštejna i niekatorych inšych znakamitych ludziej, haradskija ŭłady taksama źbiralisia źniščyć ich tvory, adnak zatym mastakam było vydzielena bolš za sotniu placovak dla stvareńnia hrafici.