«Karandaš» admoviŭsia drukavać zaprašeńni na imprezu ŭ honar Vasila Bykava
Pra vypadak paviedamiła ŭ svaim fejsbuku Nika Mazurkievič.
«Pra centr druku «Ałovak» («Karandaš»), što na płoščy Niezaležnaści ŭ Minsku, — napisała jana. — Zamoviła tam druk zaprašeńniaŭ na cyrymoniju ŭručeńnia sioletniaj premii «Za svabodu dumki» imia Vasila Bykava (darečy, 20.06 u Byčkach, na małoj radzimie piśmieńnika, projdzie impreza).
«Sihnalny» asobnik vyvieli jany, a my navat hrošy zapłacili. I tut – stop: «Pačakajcie!». Pryjšoŭ «hałoŭny» i zharnuŭ praces.
Maŭlaŭ, treba 30 dzion na razhlad zaŭjaki na zamovu! Heta pry tym, što Ruch «Za Svabodu» – zarehistravanaja arhanizacyja, impreza dazvolenaja ŭładami, Bykaŭ – narodny piśmieńnik, a źmiest zaprašeńnia – vyklučna zaprašalny».
Karespandentu «Našaj Nivy» ŭ DC «Karandaš» u kamientarach na hety kont admovili i prapanavali źviarnucca va ŭstanoŭlenym paradku: h.zn. adpravić piśmovy zapyt, jaki moža źviartacca da 15 dzion.