Chto takaja Baba Lila, jakaja adkazała Radzinaj zamiest Bialackaha?
Machlarstva z IP-telefanijaj: budźcie aściarožnyja.
Redaktar «Chartyi-97» Natalla Radzina raspaviała na Facebook cikavy fakt.
«Patelefanavała tolki što z varšaŭskaha telefona trom biełaruskim pravaabaroncam — Alesiu Bialackamu, Hary Pahaniajłu i Valancinu Stefanoviču, — raspaviadaje Radzina. — U troch vypadkach trubku brała adna i taja ž žančyna, kazała «viadoma, pačakajcie, zaraz pakliču» i … cišynia. Urešcie ja spytała, chto jana — skazała, što Lila i pakłała trubku. Što heta za kalektyŭnaja Lila i ŭ jakim jana zvańni?»
U kamientarach da zapisu niekalki čałaviek paznali «babu Lilu»: pry vykarystańni niedarahich telefanavańniaŭ za miažu praź sistemu IP-telefanii złamyśniki niaredka pierachoplivajuć sihnał, pieranakiroŭvajuć jaho na płatny numar i namahajucca jak najdolej trymać abanienta na linii. Časam takoje zdarałasia i ŭ roŭminhu.
Biełaruskija śpiecyjalisty AAC zmahajucca z takimi schiemami pierachopu trafiku, a taksama ź niadaŭniaha času błakujuć «šeryja» servisy IP-telefanii.
Biełaruskija pravajdary prapanujuć lehalnyja servisy IP-telefanii (naprykład, «Maksifon» u «Biełtelekama», IP-telefanija dla ofisu ŭ «Atłant-Telekam»). Telefanavańni praź internet na stacyjanarnyja i mabilnyja telefony prapanujuć i papularnyja servisy nakštałt Skype i Viber (Minsuviazi heta nie padabajecca).
U vypadku, kali zamiest pažadanaha abanienta vam adkazvaje padobnaja «Baba Lila», varta kinuć sproby dazvanicca, paviedamić ab prablemie apierataru albo pravajdaru pasłuh i pasprabavać skarystacca inšym servisam dla suviazi.