Bajeviki ID kuvałdami raskryšyli staražytnyja statui ŭ Palmiry
«Isłamskaja dziaržava» apublikavała zdymki, na jakich bajeviki razburajuć staražytnyja statui. ID śćviardžaje, što heta artefakty sa staražytnaha horada Palmira ŭ Siryi.
Na zdymkach vidać, jak šeść statuj raźbivajuć kuvałdami ŭ prysutnaści natoŭpu.
Isłamisty zajavili, što statui byli kanfiskavanyja ŭ niejkaha kantrabandysta, jakoha pakarali bizunami.
Fotazdymki supravadžalisia cytataj praroka Muchamieda: «Nie pakidajcie ni adnoj statui nierazburanaj i nivodnaha mahilnaha pahorka, nie zraŭniaŭšy jaho ź ziamloj».
Tym časam na poŭnačy Siryi atrady isłamistaŭ pačali masiravany nastup i majuć namier kančatkova adbić horad Alepa va ŭradavych sił.
Kiraŭnik siryjskaha viedamstva pa achovie pomnikaŭ Maamun Abdułkarym raspavioŭ, što na minułym tydni hrupoŭka «Isłamskaja dziaržava» źniščyła statuju lva z Palmiry, uzrost jakoj składaŭ dźvie tysiačy hadoŭ.
Abdułkarym nazvaŭ razbureńnie trochmietrovaj statui, viadomaj jak leŭ Al-Łat, najbolš ciažkim złačynstvam suprać histaryčnaj spadčyny Palmiry.