Buldoh Łedzi Hahi i pierły FOTA
Novaja rekłamnaja kampanija «Coach», pa słovach pradstaŭnikoŭ marki, «uschvalaje sabak u našym žyćci».
Rekłamnaja kampanija «Coach».
Amierykanskaja kampanija «Coach», jakaja stvaraje darahija aksesuary i ŭpryhožvańni, aktyŭna praciahvaje šukać novyja tvary dla svaich rekłamnych kampanij.
Na hety raz hałoŭnaj hierainiaj novaj fotasiesii stała Mis Azija Kini (Miss Asia Kinney), najlepšaja siabroŭka Łedzi Hahi i pa sumiaščalnictvie jaje chatni buldoh.
Śpiavačka ŭžo paśpieła publična prakamientavać novuju karjeru Mis Azija: «Ja radaja, što maja najlepšaja siabroŭka stanovicca zorkaj».
Darečy, za karjeraj Mis Azija ŭ sacyjalnych sietkach aktyŭna sočać abaroncy žyviołaŭ, naprykład arhanizacyja PETA (People for the Ethical Treatment of Animals). PETA niejki čas tamu ŭžo abvinavačvała Łedzi Hahu ŭ žorstkim abychodžańni z sabakam paśla taho, jak śpiavačka raźmiaściła na svajoj staroncy ŭ Facebook fatahrafii Mis Azija ŭ juvielirnych upryhožvańniach, paviedamlała US Weekly.
Z Instagram Miss Asia Kinney @missasiakinney