Łukašenka i vieterany FOTAFAKT
Alaksandr Łukašenka siońnia, u Dzień Niezaležnaści, uskłaŭ vianok da manumienta Pieramohi ŭ Minsku.
Udzieł va ŭračystaj cyrymonii pryniali vyšejšyja słužbovyja asoby, kiraŭniki dziaržorhanaŭ, pradstaŭniki hramadskich arhanizacyj, vieterany, śviatary, dypłamaty. Jany taksama ŭskłali da manumienta kvietki i vianki, paviedamlaje president.gov.by.
Prysutnyja na płoščy Pieramohi ŭšanavali chvilinaj maŭčańnia pamiać zahinułych. U cišyni prahučała 20 udaraŭ mietranoma.
Paśla vykanańnia Dziaržaŭnaha himna pa płoščy ŭračystym maršam prajšła zvodnaja rota i arkiestr hanarovaj varty vajennaj kamiendatury Uzbrojenych Sił.
Alaksandr Łukašenka pahutaryŭ z kiraŭnikami dypłamatyčnych misij.
Potym jon pavitaŭ vieteranaŭ Vialikaj Ajčynnaj vajny.
«Naš damovu vy pamiatajecie: jak maha daŭžej žyć. Nam vy vielmi patrebnyja», — skazaŭ kiraŭnik dziaržavy, źviartajučysia da vieteranaŭ, pažadaŭ im zdaroŭja i ščaścia.
Dziŭna, ale ŭsie prysutnyja byli čamuści ŭ adnolkavych biełych kiepačkach.