«Dziońnik pakajoŭki» — kino
Žanr: drama
Režysior: Bienua Žako
U rolach: Lea Siejdu, Viensan Lindon, Kłacild Male, Chierv Pjer, Mieładzi Valembierh, Patryk d'Asuar, Viensan Łakost
Francyja, Bielhija, 96 chv.
Adznaka: 6
Pakajoŭka Sielaścina, čyja pryvabnaja źniešnaść — niaźmienny abjekt mužčynskaj uvahi, źjazdžaje z Paryža i pastupaje na słužbu ŭ siamju pravincyjnych pamieščykaŭ Łanłer.
U hetym domie jana vymušanaja pastajanna łaviravać pamiž žycharami, ułahodžvajučy ŭładnuju i sknarlivuju haspadyniu i dajučy adpor jaje jurlivamu mužu. Adčuvajučy siabie čužoj ŭ hetym miescy, Sielaścina ŭsio bolš zbližajecca z maŭklivym rabočym i sadoŭnikam Žazefam, čyja brutalnaja natura čaruje jaje žanockaść.
Režysior Bienua Žako źviarnuŭsia da ekranizacyi adnajmiennaj knihi francuzskaha kłasika Aktava Mirbo. Jaho ramany ŭ svoj čas byli skandalnymi, bo vykryvali zahany i žarści drobnych buržua. Vačami razumnaj i žorstkaj pakajoŭki Sielaściny jon pakazvaje śviet bahatych, ale biessaromnych ludziej.
«Adzin z hałoŭnych vyklikaŭ filma ŭ tym, što dziejańnie adbyvajecca ŭ inšym stahodździ. Maja hierainia vyhladaje, jak dziaŭčyna kanca 19-ha stahodździa, i pry hetym jana pavinna zastavacca žyvoj i sučasnaj. Mnie vielmi dapamahła vajaŭničaść Sielaściny — ja dumaju, jana adlustroŭvaje čas, u jakim my žyviem, čas mocnych i niezaležnych žančyn, jakija biaruć spravu ŭ svaje ruki,» — raskazała pra svaju rol vykanaŭca hałoŭnaj roli, francužanka Lea Siejdu.
Aktrysa ŭziała ŭdzieł ŭ stužny Žako, niahdiedziečy na tvorčy kryzis, jaki zdaryŭsia ź joj paśla pośpiechu «Žyćcia Adel» (2014, hałoŭny pryz Kanskaha fiestyvala). «Ja sumniavałasia ŭ sabie jak u aktrysie i dumała, što, mahčyma, varta pasprabavać siabie ŭ niečym inšym,» — pryznałasia Lea. Adnak udzieł u zdymkach viarnuŭ joj vieru ŭ siabie. Ciapier Siejdu - adna z samych zapratrabavanych aktrys: u novaja častcy epapiei pra Bonda Lea dastałasia rola jaho dziaŭčyny («007: ŚPIEKTR», 2015).
Biez razumieńnia kantekstu knihi stužka nie vyhladaje jak samastojny harmaničny tvor. Naŭrad ci vobraz Sielaścicy možna nazvać pryvabnym, a jaje dziejańni trochi niepaśladoŭnyja. Ale ŭ Žako atrymałasia pieradać atmaśfieru dekadentsva i maralnaha raspadu praz nazirańni pakajoŭki. Film vyznačajecca žyvymi zdymkami i i aŭtentyčnymi kaściumami.