Marsachod źniaŭ tajmłaps VIDEA
Karcinka całkam realnaja, a voś huk falšyvy.
Marsachod Opportunity zdymaŭ usiu svaju marafonskuju prabiežku na videa. NASA zrabiła ź jaho 11-hadovaha padarožža 8-chvilinny tajmłaps.
Na čorna-biełym videa možna pabačyć marsijanskija dalahlady, što bačyŭ Opportunity ŭ čas svajoj 42-kiłamietrovaj darohi, a taksama jaho šlach na karcie.
Usie kadry całkam realnyja, ale huk nakładzieny štučny — niejki padobny huk musiŭ by čuć marsachod ad vibracyj u darozie.
Opportunity sieŭ na Mars 25 studzienia 2004 hoda. Płanavałasia, što jaho misija praciahniecca tolki 90 marsijanskich dzion, ale jon prapracavaŭ u 40 raz dolej i dahetul praciahvaje svaju darohu. Praŭda, stary prychvareŭ na lohkuju amnieziju.