Instagram narešcie dazvoliŭ zahružać fota ŭ vysokaj jakaści
1080ch1080!
Fotasacsietka Instagram stała zachoŭvać zdymki ŭ razroźnieńni 1080ch1080 zamiest raniejšych 640ch640, paviedamlaje The Verge. Karystalniki stali zaŭvažać heta ź biełaruskaha Dnia niezaležnaści, 3 lipienia, ciapier źmieny paćvierdžanyja pradstaŭnikom kampanii.
Zdymki vysokaj jakaści ciapier zahružajucca jak z iOS, tak i z Android-smartfonaŭ. Veb-viersija tak i nie navučyłasia zahružać nijakija fota.
Instagram byŭ zapuščany dla iPhone u kastryčniku 2010 hoda, praz paŭtara hoda źjaviłasia Android-viersija. U tyja časy smartfony mieli nievysokaje razroźnieńnie ekranaŭ (pieršyja «ajfony» mieli 320x480, iPhone 4 — 960x640), tamu fota pamieram 640ch640 piksielaŭ zadavolvali karystalnikaŭ.
Paźniej z rostam jakaści dyspłejaŭ smartfonaŭ i płanšetaŭ pamier fota na Instagram staŭ usprymacca jak sastareły. Novy pamier fota musić zadavolić karystalnikaŭ: siońnia niahłasny standart razroźnieńnia smartfonaŭ — 1920ch1080.
Sacsietku krytykavali i za niaśpiešnaść u inšych spravach. Naprykład, niadaŭna ŭ Instagram źjavilisia novyja filtry — upieršyniu za dva hady. Tolki dva tydni tamu dadałasia mahčymaść pošuku fota pa miescy i cheštehu, daŭno dastupnaja ŭ starońnich servisach i ŭ niekatorych kankurentaŭ.
U 2012 hodzie Instagram nabyła za 1 młrd dalaraŭ inšaja sacsietka — Facebook. Na momant publikacyi Instagram maje pa ŭsim śviecie bolš za 300 młn karystalnikaŭ, aktyŭnych štomiesiac.