Mieksikanski narkabaron Karantyška druhi raz źbieh z turmy
Mieksikanski «narkabaron №1» Chaakin Husman pa mianušcy Karantyška, jaki kiravaŭ kartelem «Sinałoa», druhi raz źbieh z turmy asabliva strohaha režymu.
AP
U zajavie Kamisii pa nacyjanalnaj biaśpiecy Mieksiki havorycca, što apošni raz Husmana bačyli ŭ dušavym adździaleńni turmy «Alcipłana» kala stalicy krainy Miechika ŭ subotu ŭviečary.
Kartel «Sinałoa» kantraluje značnuju častku nielehalnych pastavak kakainu, marychuany i mietamfietaminu ŭ Złučanyja Štaty.
Husman byŭ aryštavany ŭ lutym 2014 hoda ŭ štacie Sinałoa ŭ chodzie sumiesnaj apieracyi mieksikanskich i amierykanskich narkapalicejskich. Jaho zatrymali ŭ adnym z hatelaŭ kurorta Masatłan.
Jaho aryšt ličyŭsia vialikaj pieramohaj mieksikanskich uładaŭ u baraćbie z narkokartielej.
Narkabaron znachodziŭsia ŭ vyšuku z 2001 hoda, kali jamu ŭdałosia źbiehčy z asabliva achoŭnaj turmy. U toj raz jon padkupiŭ turemnych słužačych i schavaŭsia ŭ košyku dla brudnaj bializny.
Časopis Forbes aceńvaŭ bahaćcie Husmana-Karantyški prykładna ŭ miljard dalaraŭ.