U estradnym konkursie na «Słavianskim bazary» lidziruje śpiavak z Kazachstana
Pa vynikach pieršaha dnia finału XXIV Mižnarodnaha konkursu vykanaŭcaŭ estradnaj pieśni «Viciebsk-2015» lidaram staŭ vykanaŭca z Kazachstana Dzimaš Kudajbierhien, jaki nabraŭ 89 ačkoŭ z 90 mahčymych.
Paśla taho, jak jon praśpiavaŭ «Opiať mietiel» viadučym ź ciažkaściu ŭdałosia pierapynić nieścichanuju avacyju, kab abviaścić vyniki hałasavańnia žury. Ekśpierty byli salidarnyja z hledačami i ŭsie, za vyklučeńniem pradstaŭnika Łatvii Intarsa Busulisa, pastavili kazachskamu kankursantu samyja vysokija bały.
Druhoje miesca zajmaje biełaruska Valeryja Hrybusava, jakaja za vykanańnie pieśni «Noč» atrymała 85 bałaŭ. Pradstaŭnicy našaj krainy nie pastavili vyšejšuju acenku ŭžo čaćviora ź siabroŭ žury, u tym liku jaho staršynia — Paład Biulbiul-ahły.
12 lipienia adbudziecca druhi kancert finału XXIV Mižnarodnaha konkursu vykanaŭcaŭ estradnaj pieśni «Viciebsk-2015», padčas jakoha kankursanty buduć vykonvać suśvietnyja chity pad fanahramu «-1».