Prahramu «UKantakcie» vydalili z Google Play
Prahramu sacyjalnaj sietki «UKantakcie» vydalili z anłajn-kramy Google Play, paviedamiŭ pres-sakratar socsieť Hieorhij Łobuškin.
«My raźbirajemsia ŭ tym, što zdaryłasia», — napisaŭ jon u svaim tvitery.
Heta pieršy vypadak vydaleńnia prahramy «UKantakcie» z Google Play. Pry hetym ź internet-kramy App Store prahramu vydalali ŭ 2014 hodzie, praŭda, tady pradstaŭniki sacsietki źviazvali heta z techničnymi pryčynami. Łobuškin, u svaju čarhu, rastłumačyŭ, što prahrama była vydalenaja z-za «nieparazumieńnia» z maderatarami App Store.
Rasiejskija ŚMI vykazali zdahadku, što vydaleńnie «UKantakcie» z Google Play mahło adbycca z-za skarhi adnaho z pravaŭładalnikaŭ muzyčnaha kantentu. Raniej sud u Sankt-Pieciarburhu spahnaŭ z sacsietki 750 tysiač rubloŭ (13,2 tys dalaraŭ) za niezakonnaje raźmiaščeńnie piesień śpievaka Hryhoryja Lepsa.