MUS Ukrainy: «Pravy siektar» pieršym užyŭ zbroju pad Mukačavam
Pavodle dadzienych MUS Ukrainy, padčas kanfliktu ŭ Mukačavie pieršymi zbroju na parazu ŭžyli mienavita bajcy «Pravaha siektara».
Pra heta na svajoj staroncy ŭ Facebook napisaŭ dyrektar departamienta kamunikacyi MUS Andrej Šaŭčenka.
«Jany zastrelili cyvilnuju asobu, čyjo cieła potym hruzili ŭ svoj aŭtamabil. Tolki paśla hetaha zvodny atrad milicyi prybyŭ pa vykliku na miesca zdareńnia», — skazaŭ Šaŭčenka.
Pavodle jaho słoŭ, u składzie atrada byli pravaachoŭniki, jakija mieli dośvied bajavych dziejańniaŭ padčas praviadzieńnia ATA na Danbasie. U pryvatnaści, milicyjanty ŭdzielničali ŭ abaronie Debalcava i vychadzie z horada zimoj 2015 hoda, zaznačaje Gazeta.ua.
«Milicyjanty ŭ poŭnaj adpaviednaści z zakonam byli vymušanyja ŭstupić va ŭzbrojenaje supraćstajańnie z napadnikami, jakija pahražali biaśpiecy hramadzian», — dadaŭ Šaŭčenka.
Jak paviedamlaje sajt Mukachevo.net, adstupajučy paśla pierastrełki ŭ Mukačavie, bajcy PS pakinuli džypy i cieła zahinułaha.