Amal uvieś prybytak z rynku smartfonaŭ atrymała Apple
Chacia zajmaje tolki 20% hetaha rynku.
Vyjava: stuffpoint.com
Kampanija Apple atrymała 92% apieracyjnaha prybytku suśvietnaha rynku smartfonaŭ u pieršym kvartale 2015 hoda, paviedamlaje Wall Street Journal sa spasyłkaj na acenku inviestycyjnaj kampanii Canaccord Genuity.
Kala tysiačy kampanij u śviecie robiać smartfony. Ale značny prybytak atrymlivajuć dźvie: Apple i Samsung. Astatnija ŭ asnoŭnym niasuć straty.
Śledam za Apple idzie Samsung z 15% apieracyjnaha prybytku. Razam z Apple heta daje bolš za 100% apieracyjnaha prybytku rynku jakraz praz admoŭnyja adsotki kampanij, što pracujuć u minus.
Apple zajmaje tolki 20% rynku smartfonaŭ, a jaje apieracyjnaja sistema iOS značna sastupaje Android pa kolkaści aktyvavanych pryładaŭ. Ale siaredniaja cana iPhone składaje na pieršy kvartał 2015 hoda 659 dalaraŭ, tady kali siaredniestatystyčny Android-smartfon kaštuje mienš za 200.
Spravy ŭ Apple iduć sioleta lepš, čym u minułym hodzie. Siaredniaja cana iPhone vyrasła na 35 dalaraŭ, prodažy padnialisia na 43%. U minułym hodzie Apple mieła tolki 65% apieracyjnaha prybytku rynku smartfonaŭ. Pavodle čutak, u hetym hodzie Apple źbirajecca pradać 85-90 młn iPhone nastupnaha pakaleńnia.
Za pieršy kvartał 2015 hoda pradała rekordnyja 74,5 młn iPhone. Heta bolš, čym za toj ža pieryjad było pradadziena piersanalnych kampjutaraŭ (razam nastolnych, noŭtbukaŭ i inšych) — 685 młn. Za druhi kvartał Apple pradała 61 młn svaich smartfonaŭ.