Bajcy adnaho z bataljonaŭ «Pravaha siektara» piarojduć u skład «Azova»
U skład pałka «Azoŭ» uvojduć bajcy 7-ha asobnaha bataljona Dobraachvotnickaha ŭkrainskaha korpusa «Pravy siektar».
Reuters
Pra heta paviedamiŭ kamandzir padraździaleńnia Rusłan Kačmała. Razam z kambatam u šerahi Nacyjanalnaj hvardyi Ukrainy pierachodziać 40 bajcoŭ. Piaciora bajcoŭ bataljona zastajucca ŭ «Pravam siektary».
Pa słovach kamandzira bataljona, rašeńnie ab nieabchodnaści pierajści ŭ Nachvardyju było pryniata daŭno. Ciapier zapuskajecca praces lehalnaha afarmleńnia bajcoŭ u skład Nachvardyi Ukrainy.
«Matyŭ prosty, kolki času vajujem, a «Pravy siektar» staŭ bolš karumpavanym i vyjšaŭ za ramki zakona. Tamu my vyrašyli ŭsim byłym padraździaleńniem z «Pravaha siektara» vychodzić. Ja daŭno vyjšaŭ z «Pravaha siektara», ale nie abviaščaŭ pra heta. Ciapier budziem uvachodzić u skład aficyjnych struktur. Znachodzimsia na tych ža pazicyjach, dzie i byli», — prakamientavaŭ Rusłan Kačmała.
Pavodle jaho słoŭ, na dadzieny momant u skład pałka «Azoŭ» piarojduć 40 bajcoŭ z «Pravaha siektara». Jany napisali aficyjnyja zajavy.