Dokšycy visieli na vałasku, kab z horada nie stać vioskaj
U 1936 hodzie paviatovy adździeł u Hłybokim pryniaŭ uchvału ab źlikvidavańni ŭ Dokšycach haradskoj upravy i panižeńni ich da statusa vioski, jak centra sielskaj hminy. Ab hetym paviedamlała hazieta «Kurjer Vileński».
Nie ŭdałosia Hłybokamu zžerci Dokšycy! Z Varšavy hrozna pamachali palcam! Maŭlaŭ, piać viakoŭ Dokšycy byli pryvilejavanym karaleŭskim miestam! Nie Hłybokaje Dokšycam davała status horada, nie vam adbirać!
Paśla adychodu Dzisienskaha pavieta ŭ skład II Rečy Paspalitaj, centram pavieta stała Hłybokaje. Adnak palaki zachavali kolišniuju nazvu pavieta. Pry palakach Hłybokaje i zajmieła status horada (chacia, jak miastečka jano było bolšaje pa nasielnictvie, čym niekatoryja viadomyja paviatovyja harady). Hłybokaje było druhim horadam pa nasielnictvie paśla Vilni ŭ Vilenskim vajavodstvie (1921-39 hh).