Łapy šympanze akazalisia bolš «navaročanymi» za čałaviečyja ruki
Ale našy ruki nie horš, jany prosta dla inšaha.
Kostki ručycy aŭstrałapiteka siedyba na dałoni sučasnaha čałavieka. Fota: Peter Schmid
Z anatamičnaha punktu hledžańnia našyja ruki bolš prymityŭnyja za łapy šympanze, śćviardžajuć navukoŭcy ŭ časopisie Nature Communications.
Navukoŭcy praanalizavali anatamičnyja rysy vialikaha palca i astatniaj ručycy čałavieka, šympanze i inšych małpaŭ, prota-ludziej kštałtu ardypitekaŭ i aŭstrałapitekaŭ siedyba. Akazałasia, što łapy šympanze značna dalej za čałaviečyja syšli ŭ evalucyi ad mierkavanaha ahulnaha prodka.
Praz kampjutarnaje madelavańnie navukoŭcy vyznačyli, što mierkavany ahulny prodak čałavieka, jaki maje być padobnym da ardypitekaŭ (što žyli kala 4,4 młn hod tamu), mieŭ łapy, bolš padobnyja da sučasnaha čałavieka i harył.
Šympanze i aranhutany majuć bolš składanuju i mienš padobnuju da prarodziča formu ručycy: ich łapy prystasavanyja da žyćcia na drevach. Im praściej utrymlivać pradmiety i łazać pa drevach z dapamohaj doŭhich čatyroch palcaŭ, chaj vialiki palec i karaciejšy za čałaviečy, što robić ciažejšym, naprykład, kidańnie pradmietaŭ.
Miarkujecca, što prodak čałavieka zasvoiŭ pryłady pracy nie praz «bolš univiersalnuju» ruku, a praz raźvićcio mozhu, što dazvoliła kaardynavać dziejańni ruk. Bolš prymityŭnaja forma nie daje pieravah pry žyćci na drevach, ale dazvalaje adnolkava dobra (ci adnolkava drenna) vyrašać bolšuju kolkaść zadač.