NASA zapuściła marsijanskuju viersiju «Ziamli Google»
I dała mahčymaść razdrukavać svoj maleńki Mars.
Choć naha čałavieka ŭ bližejšyja 15 hod naŭrad ci stupić na Čyrvonuju płanietu, prahulacca pa Marsie možna virtualna: NASA zapuściła interaktyŭnuju anłajn-kartu Mars Trek, pieradaje CNET.
Jak i na Google Earth, karystalnik Mars Trek, nazvanych u honar sieryjału «Star Trek», moža prahladzieć karty ŭ 2D i 3D, jak sa spadarožnikavymi zdymkami, tak i sa schiemami.
Jość i kalarovaja mapa vyšyniaŭ. Taksama dziejničaje pošuk pa miescach, adznačanyja važnyja dla čałaviectva i marsachodaŭ punkty. Sabranyja chiba nie ŭsie źviestki, atrymanyja čałaviectvam pra płanietu.
Mars Trek dazvalaje siarod inšaha spampavać madel Marsa dla 3D-pryntara i stvaryć svaju maleńkuju čyrvonieńkuju płanietku, što budzie karysnym dla ŭstanoŭ adukacyi.
Pavandrujcie taksama: Ziamla Google pachvaliłasia ŭsim, što ŭmieje