Viaźniam amierykanskich turmaŭ prapanavali novy płanšet
Jaho cana składzie 70 dalaraŭ.
Kampanija JPay pradstaviła śpiecyjalny płanšet JP5mini, pryznačany dla amierykanskich turmaŭ, pieradaje Gizmodo.
Pryłada z 4,3-calevym ekranam dazvolić słuchać muzyku, hladzieć fota, vieści pierapisku pa pošcie (za jakoj budzie sačyć administracyja) albo rabić videavykliki. Płanšet udaraŭstojlivy, jaho prazrysty korpus nie dazvolić schavać u im kantrabandu.
Na adnym zaradzie płanšet prapracuje da 12 hadzin u režymie prajhravańnia videa albo da 35 hadzin pry prasłuchoŭvańni muzyki.
Užo siońnia płanšet možna vykarystoŭvać nie tolki dla zabaŭ i pierapiski, ale i dla apieracyj z bankaŭskim rachunkam albo ŭ adukacyjnych metach. U žniŭni vyrabnik płanuje adkryć mahazin prahram, praź jaki karystalniki zmohuć ustaloŭvać hulni.
Ci dazvolać viaźniam vykarystoŭvać taki płanšet, zaležyć ad administracyj turmaŭ, ale šancy na heta značnyja ŭ 34 štatach, z turmami jakich pracuje kampanija. Na siońnia ŭ rukach amierykanskich viaźniaŭ kala 60 tysiač papiarednich płanšetaŭ kampanii, JP4.
Adnosna apisańnia płanšetu jość pytańni: u aficyjnym pres-relizie kažuć pra 32 miehabajty ŭnutranaj pamiaci, niekatoryja vydańni ličać heta apiskaj i kažuć pra 32 hihabajty.
Paviedamlajecca, što płanšet pracuje na madyfikavanaj viersii Linux, pavodle niekatorych krynic — na źlohku madyfikavanym Android. Zahruźnik płanšeta abaronieny ad ustaloŭki inšych apieracyjnych sistem albo nienaležnych prahram.