Ukrainskija pamiežniki zatrymali «KamAZ» z bojeprypasami i kadravym vajennym RF
Kala 22.00 25 lipienia supracoŭniki Dziaržpahransłužby na kantrolnym poście «Biarozavaje» (Danieckaja vobłaść) zatrymali «KamAZ» z bojeprypasami.
Pra heta paviedamlaje Dziaržaŭnaja pamiežnaja słužba Ukrainy.
Transpartnym srodkam, jaki zajechaŭ na kantrolny post z terytoryi, časova niepadkantrolnaj Ukrainie, pierasoŭvalisia dźvie asoby ŭ vajskovaj formie.
«Zatrymaŭšy mašynu, pamiežniki papiarednie vyśvietlili, što adzin z mužčyn — kadravy vajenny VS RF u zvańni «major», a druhi naležyć da niezakonnych uzbrojenych farmiravańniaŭ. U «KamAZie» pravaachoŭniki znajšli skryni ź vialikaj kolkaściu patronaŭ roznaha kalibru», — havorycca ŭ paviedamleńni.
Na miesca prybyli supracoŭniki SBU, MUS i inšych struktur dla vyśviatleńnia ŭsich abstavinaŭ. Pravodziacca filtracyjnyja mierapryjemstvy.