U Kitai pasažyr zrabiŭ sprobu padpalić samalot u palocie
U Kitai pasažyr rejsa avijakampanii Shenzhen Airlines chacieŭ vyklikać na borcie łajniera pažar i spravakavać jaho krušeńnie, paviedamlajuć dziaržaŭnyja ŚMI krainy.
Incydent adbyŭsia ŭ momant, kali samalot z 95 pasažyrami i dzieviaćciu členami ekipaža na borcie zachodziŭ na pasadku ŭ horadzie Huančžoŭ na poŭdni krainy.
Mužčyna, imia jakoha nie paviedamlajecca, pasprabavaŭ učynić pažar, skarystaŭšysia zapalnicaj i haručaj vadkaściu.
Členam ekipaža i inšym pasažyram udałosia abiasškodzić złamyśnika. Dvoje ź ich paciarpieli i byli špitalizavanyja paśla pryziamleńnia łajniera.
Kitajskija pieravozčyki, jak i bolšaść avijakampanij pa ŭsim śviecie, zabaraniajuć pranosić na bort zapalnicy i lohkaŭzharalnyja vadkaści. Jak mužčyna prajšoŭ dahlad u aeraporcie, nieviadoma.