U Minsku złodziej abakraŭ kvateru, pakul haspadary spali
Kradziež byŭ učynieny ŭ adnoj z kvater na vulicy Niomanskaj.
Jak paviedamiła pres-aficer Frunzienskaha RUUS Vieranika Strelskaja, złamyśnik prakraŭsia praź niezačynienyja ŭvachodnyja dźviery ŭ toj čas, kali haspadary spali. Jon vykraŭ noŭtbuk, 100 tysiač biełaruskich rubloŭ i 350 dołaraŭ.
U vyniku praviadzieńnia apieratyŭna-vyšukovych mierapryjemstvaŭ padazravany ŭ ździajśnieńni kradziažu byŭ zatrymany. Im akazaŭsia 29-hadovy niepracujučy, raniej sudzimy minčuk. U dačynieńni da jaho raspačataja kryminalnaja sprava pa častcy 2 artykuła 205 («Kradziež») Kryminalnaha kodeksa RB.
Darečy, nie tak daŭno ŭ Frunzienskim rajonie było ździejśnienaje takoje ž złačynstva. Ź niezačynienaj kvatery ŭ domie na vulicy Prytyckaha vykrali mabilny telefon. Pravaachoŭniki złamyśnika — 35-hadovaha mužčynu — taksama zatrymali. Jak vyśvietliłasia, jon byŭ datyčny da ździajśnieńnia anałahičnych kradziažoŭ u inšych rajonach stalicy.