Pa prośbie Minska Biełaruś i Ukraina buduć čaściej vykarystoŭvać u raźlikach hryŭni
Pa prośbie biełaruskaha boku mahčymaści vykarystańnia hryŭni ŭ handli pamiž Ukrainaj i Biełaruśsiu buduć pašyranyja.
business.ua
Adpaviednaja damoŭlenaść zafiksavana ŭ pratakole praviedzienaha 24 lipienia ŭ Čarnihavie 23-ha pasiadžeńnia mižuradavaj źmiešanaj kamisii pa pytańniach handlova-ekanamičnaha supracoŭnictva, paviedamiła pres-słužba Ministerstva rehijanalnaha raźvićcia, budaŭnictva i žyllova-kamunalnaj haspadarki Ukrainy.
«Pa vynikach pieramoŭ my źviarnulisia ŭ NBU (Nacyjanalny bank Ukrainy) z šeraham prapanoŭ, jakija dapamohuć spraścić i paskoryć handal pamiž našymi dźviuma krainami, i ŭžo pryjšli da pazityŭnaha rašeńnia», — zajaviŭ kiraŭnik ministerstva, vice-premjer Hienadź Zubko.
Akramia taho, najbližejšym časam projduć kansultacyi pa pytańniach adnaŭleńnia ŭzajemnych pastavak elektraenierhii i tranzitu ŭkrainskaj elektraenierhii praź Biełaruś. «Biełaruś źjaŭlajecca našym stratehičnym handlovym partnioram ź vialikaj ahulnaj miažoj. Tamu ŭsie damoŭlenaści (…) buduć potym dziesiacihodździami davać stanoŭčy efiekt», — ličyć Zubko.