Pucin zaćvierdziŭ novuju redakcyju Marskoj daktryny Rasii
Prezident Rasii Uładzimir Pucin zaćvierdziŭ papraŭku ŭ Marskuju daktrynu. Novy dakumient pradstaŭleny na sajcie Kramla.
Raniejšaja daktryna zaćviardžałasia na pieryjad da 2020 hoda. Raniej času dakumient vyrašyli abnavić ŭ suviazi z anieksijaj Kryma i pašyreńniem NATA na Uschod.
U novaj redakcyi Marskaja daktryna ŭličvaje intaresy Rasii ŭ Arktycy i atłantyčnym kirunku. Uvaha da Arktyki vyklikana rostam značeńnia Paŭnočnaha marskoha šlachu i bahaćciem kantynientalnaha šelfa. Akramia taho, Rasija viadzie budaŭnictva novaha atamnaha ledakolnaha fłotu.
Akramia taho, dakumient ciapier uličvaje sudna-i karablebudavańnie. «Heta źviazana z tym, što sapraŭdy za apošnija 10-15 hadoŭ u nas źjaviłasia karablebudavańnie, jakoje ŭ častcy vajennaha karablebudavańnia, jaho abjomu siońnia supastaŭnaje z tymi zadačami, jakija vyrašalisia ŭ saviecki čas. Što tyčycca sudnabudavańnia ŭ intaresach hramadzianskaha, kamiercyjnaha fłotu, to tut my stymulujem stvareńnie pryvatnych sudnabudaŭničych kampanij, jakija paśpiachova siabie prajavili», — paviedamiŭ vice-premjer Dźmitryj Rahozin padčas sustrečy z prezidentam.