BRSM zaklikaje svaich siabroŭ fatahrafavacca sa «stužkaj-vyšyvankaj»
Prałukašenkaŭskaja moładzievaja arhanizacyja BRSM pačynaje papularyzavać našeńnie stužak z nacyjanalnym arnamientam.
Ideołahi zaklikajuć rabić zdymki sa «stužka-vyšyvankaj» i vystaŭlać ich u internet.
U jakaści alternatyvy prapanujucca čyrvona-zialonyja stužki.
Inicyjataram akcyi «#biełaruskajastužka» była «Art Siadziba».
«Za ŭvieś čas my razdali kala 10 kiłamietraŭ stužki. Aproč hetaha, šmat ludziej i arhanizacyjaŭ sami kuplali stužku ŭ kramach i raspaŭsiudžvali jaje, tamu sapraŭdnyja maštaby acanić ciažka», — kamientuje kaardynatar «Art Siadziby» Mikita Broŭka.
«My rady tamu, što našu akcyju padchoplivajuć usio bolš i bolš arhanizacyjaŭ. Kali BRSM padtrymlivaje našu ideju, to hetamu možna tolki radavacca. Što nakont ahitacyi da ŭdziełu ŭ vybarach – asabista ja suprać taho, kab biełaruskaja stužka asacyjavałasia z kandydatami na pasadu prezidenta i vybarami ŭ Biełarusi ŭvohule», — pierakanany Broŭka.